ازاي تسوق البيزنس بتاعك في زمن الكورونا ؟

الاول كدة قولي ايه رايك في google doodles اليومين دول؟🤗

تعالي الاول لما اعرفك ايه هي جوجل دودلز، ببساطة كل يوم كدة لما تيجي تفتح موقع جوجل عشان تبحث عن اي حاجة بتلاقي مثلا لو النهاردة عيد الام تلاقي جوجل حاططلك صورة بتمثل ام وكاتب جمبها ان النهاردة عيد الام اختفالا باليوم يعني وعشان يفكرنا بيه هو دة بقي الدودلز، لو ركزت شوية هتلاقي ان جوجل اليومين دول بدا يربط الاحداث اللي بتحصل وطبعا اللي مورناش غيرها اليومين دول وهي الكورونا بالدودلز، فعلا بدا مثلا من يوم 6 ابريل كدة لحد النهاردة يقدم كل يوم رسالة شكر لكل فئات المجمتع اللي بيساعدوا في تخطي الازمة زي مثلا رسالة شكر للاطباء والممرضين تاني يوم رسالة شكر للشرطة وغيره.دي كانت فكرة ذكية جداا من جوجل طيب ليه ذكية وليه جوجل بيعمل كدة؟

دة بقي اللي هنتكلم عنه في البوست بتاعنا لو انت صاحب بيزنس وعاوز تعرف ازاي تبقي ذكي زي جوجل وتسوق كويس لل براند الخاص بيك بالرغم اننا في فترة صعبة وكل حاجة شبه واقفة يبقي متقلقش تابع معانا.☺️

انت عارف ان 99 % من الناس دلوقتي اونلاين عشان طبعا كله قاعد في البيت احنا بقي هنستغل النقطة دي ونبدا نتواصل مع العملاء عن طريق بوستات دايما نعرفهم اننا موجودين وان البيزنس بتاعنا موقفش ولا حاجة طيب ايه نكتب اي بوستات وخلاص؟ لا طبعا عشان تسوق لل براند كويس لازم البوستات بتاعتك تكون فيها 5 حاجات اساسية ومهمة جداا.👌

1️⃣الهاشتاجات:

الهاشتاجات هتكون سبب في شهرة البراند الخاص بيك في البوستات حط الهاشتاجات اللي ليها علاقة بفيرس كورونا زي مثلا :#Stop_The_Spread, #COVID19, #JOMO, #FOMO, #Social_Distancing, #Coronavirus, #stay_at_home.

2️⃣ الاسئلة:

هي احسن طريقة عشان تخلي متابعينك وعملائك يتفاعلوا معاك ومع البوست بتاعكاسئلهم اسئلة متعلق برضه بالفيرس لكن ي ريت تكون ايجابي ومتفائل في اسالتك زي مثلا ممكن تنزل بوست تسالهم فيه السؤال دة:ايه اول حاجة هتعملوها لما الفيرس ينتهي و نرجع لحياتنا الطبيعية تاني ؟ او ايه الحاجات المفيدة اللي بتعملوها وانتم في البيت؟ وغيره من الاسئلة الايجابية.

3️⃣ معلومات مفيدة:

شارك معاهم معلومات مفيدة عن الفيرس زي مثلا اساليب الوقاية منه ازاي يحموا نفسهم واللي حواليهم، عجبتني اوي فكرة كنتاكي لما نزلوا بوست علي تويتر مع انفوجرافيك كدة بسيط وحلو بيوضحوا فيه ازاي هما بيستخدموا اسلوب الوقاية من الفيرس في تحضير الوجبات فعلا الفكرة حلوة جداا.

4️⃣ الشكر:

خليك زي جوجل كدة هو استعمل الدودلز في المهمة دي زي ما اتكلمنا قي اول البوست، انت كمان حاول تنزل بوستات شكر لكل حد بيحاول بيساعد في تخطي ومواجهة الازمة دي، دي اقل حاجة ممكن تقدمها للفدائين دول.💪

5️⃣ قلش بس بحدودايوة زي ما بقولك كدة الميمز والقلش😅:

 نزل بوستات مرحة كدة تطلع الناس من اللي هي فيه بس برضه من غير الاساءة لاي حد زي مثلا الجملة دي

“9:00 pm is the proper time to remove your day pajamas and put on your night pajamas”.

ها بتعمل ايه بقي في بوستاتك من الخمس الحاجات اللي اتكلمنا عنهم ؟ يلا شاركنا في التعليقات ومتنساش اللايك والشير عشان غيرك يستفاد .😍